做女人有時都真係幾慘，為咗男伴嘅自尊心，好多時喺床上未滿足都要扮高潮，本來都只係想冧隻佬，等佢以為自己好勁，再氹佢出多兩錢肉緊進攻，希望可以真正得到快感。不過呢種做法，有時會適得其反，因為扮高潮，只會令男人以為自己好掂，繼續重複以往嘅床上技巧，令佢停滯不前，根本就對改善全無幫助，只會令問題繼續惡化咋！
其實如果啲男人可以細心啲，體諒吓女人嘅感受，女人就唔會刻意扮高潮。咁究竟女人高潮嘅時候會有咩反應？相信問十個男人，有八個都會答錯。想知道女人高潮時有乜徵狀，依家即刻話你知。
因人而異
喺交歡嗰陣，當女人出現小妹收縮、全身發熱、間歇震動、飄飄欲仙、呻吟喘氣等徵狀，呢個時間通常都係佢哋到達高潮嘅表現。
不過，反應呢樣嘢始終因人而異，冇出現以上嘅徵狀，唔代表佢未到頂。可惜，有啲經驗豐富嘅女性，照樣可以喺未興奮嘅時候扮High，模仿以上嘅反應。不過，大部分女性喺出現呢啲反應嘅時候，其實都已經開始滿足，男性想掌握得更好，就要着眼一啲細微處，睇吓女伴嘅高潮反應到底係發自內心，定係刻意營造喇！
呼吸急促
女人喺交歡嘅時候，呼吸節奏係透露佢哋滿足程度嘅一個重要指標。當女性開始進入興奮狀態時，心跳同呼吸頻率都會比正常時較高，因為中樞神經系統受到刺激而興奮，會令血壓上升、肌肉收縮，對氧氣需求亦會隨之增加，所以呼吸頻率亦會加快。另外，由於興奮導致心跳加速，而大部分女性高潮時，心跳都會上升至大約每分鐘一百二十次，所以如果女伴喺高潮嗰陣，心跳冇明顯加快，呼吸亦好正常嘅話，基本上可以肯定佢係扮高潮。
肌肉收縮
此外，女性喺興奮嘅時候，全身嘅肌肉都會因為緊張而收縮，部分女性都會出現手腳痙攣、面部扭曲、腰部肌肉無意識扭動等。不過最明顯嘅，莫過於小妹肌肉收縮情況。
一般嚟講，會有大約三至十五次強力收縮，大約每隔零點八秒收縮一次，令男方感到一種被拉扯感覺。
除此之外，女性雙峰嘅頂端位置出現勃起反應，因為血管充血，會令雙峰周邊嘅皮膚發熱、透出紅色，更加會出現頂端凸起、乳暈腫脹等徵狀。
自此之後，相信男士們識點分辨女性嘅真假高潮喇！