今日介紹嘅動漫作品，相信本地動漫迷比較少人認識，但喺日本就好受動漫迷歡迎，呢套以愛情為題材嘅作品《企鵝美眉》，一直喺《周刊少年Champion》以及《Champion RED》上連載，而作者就係高橋哲哉，計吓數，至今已經推出到第十二本單行本。
而動畫版亦喺去年四月播出，反應好到不得了，唔少Fans睇完之後，再睇番套漫畫，一時間掀起《企鵝美眉》嘅熱潮，而當中嘅一眾女主角同女配角，更成為唔少宅男族嘅偶像。
而喺芸芸女主角當中，就以南極櫻最受歡迎，事關佢樣子甜美，身材出眾，性格乖巧，經常聽晒男主角嘅話，任由對方擺布，加上佢經常着住一套性感女僕服飾，配埋一對貓耳示人，更添可愛，難怪深受歡迎。
有見及此，生產商便推出南極櫻嘅首辦模型，一套性感女僕服飾加埋跳起揮手嘅動作，將佢嘅爽朗個性表露無遺，而造型師更將腰部設計得特別纖幼，等阿櫻嘅胸部更加突出，更加吸引。
售價：¥7,140（約HK$571）