拍四仔講求專業，所以喺一般情況下，製作公司都會起用訓練有素嘅男優上陣，偏偏脫星Carolyn Reese話最討厭同耐力過人嘅男優交手，希望有朝一日可與初哥同床咁話。
洩心頭之憤
何解Carolyn咁想同初哥交手呢？有傳話阿妹當年畀人呃咗隻豬，一直耿耿於懷，於是佢誓要玩盡天下青頭男，以洩心頭之憤喎！
Carolyn從來無出嚟澄清，但可以肯定嘅，係佢入行第一日就向公司要求同初哥交手，即使對手性技笨拙都冇所謂。但問題係拍床上戲嗰陣，大部分時間係由男優做主導，每一款姿勢、每一下推送節奏全由男優話事，若然男優經驗不足，頻頻NG，等如玩死成隊工作人員啫。
再者，公司只會起用耐力過人嘅男優上陣，忽然間唔知喺邊度搵個青頭男畀佢，故此公司對於阿妹嘅要求，一直只採取拖字訣態度。
Carolyn話：「我明白冇公司會起用青頭男優，亦知道公司為滿足我一己私慾，試過串通男優扮處男同我做對手戲，可惜一經接觸後我就知道對方唔係初哥。所以我希望將來成為一姐時，由自己揀對手演戲。」
當床上女王
捱足兩年後，Carolyn雖未至於名成利就，但喺四仔界總算有啲地位，而佢嘅青頭男情義結一直冇放低過，早前佢跟公司簽新合約時，就提出一個條件，就係所有男優都要經由佢挑選。Carolyn解釋話：「我之所以要同青頭男交手，主要原因係我討厭職業男優公式化嘅演技，其次係我鍾意做主導，控制動作節奏，我希望改變四仔界作風，創造獨當一面嘅床上女王。」嘩！阿妹做脫星都咁大理想，難怪只有青頭男至滿足到佢囉！