之前講過，眼大嘅男人幾咁有魅力，深得女性歡迎，但原來再配埋佢哋嘅體形就會出現唔同嘅效果。例如眼大大嘅男士，配瘦削身材，據古相書講係屬於耽於逸樂、不務正業嘅人，一生難有大成就。
但如果眼大之餘，仲明亮有神，再配一副龐大健碩嘅身形，咁就成個唔同晒，古相書話呢種人嘅眼叫做「象眼」。擁有象眼嘅人，眼光遠大，膽識過人，做事手法圓滑而有技巧，只要堅持到底，最終會大器晚成。
商政界最多呢種人，喺愛情方面，佢哋背後一定有位好太太，而且會對太太好好，好多事都有商有量，但如果問佢哋會唔會花心，咁就好難講，不過做太太嘅大可放心，佢哋唔係始亂終棄嘅人，只要你一日堅持做佢老婆，佢一日都係你嘅好老公。
達達