每日都活喺負面情緒之中，市民發窮惡都好正常，好似美國四仔脫星Audrey Bitoni就係其中之一，佢話：「我已忍無可忍，從今日起我要活得有尊嚴，要為自己嘅荷包抗爭到底！」
不甘被騙
究竟咩事觸發阿妹咁大火氣要玩抗爭？事緣Audrey早前同一間公司傾新戲，阿妹見對方開出嘅條件都頗合理，於是大筆一揮就簽約。點知喺拍攝期間，對方突然話要加插兩場混戰戲之餘，仲要減片酬，理由係市道唔好，公司要開源節流，叫阿妹齊心合力抗逆境。Audrey覺得對方非常無理，更有欺騙之嫌，於是據理力爭，但對方卻冷言相對，仲寸阿妹唔接受嘅話，可以唔拍，反正有大把脫星爭住演。阿妹聽後谷鬼氣，決定玩大佢。
之後，Audrey以受害人嘅身份，向各大小雜誌控訴畀公司欺騙，大爆對方嘅衰嘢，希望借助傳媒嘅力量，同對方抗爭到底。點知事後Audrey收到恐嚇電話，內容大致話阿妹再唔收聲，就會令佢絕迹四仔界。不過，Audrey一於少理，仲話一早已有心理準備，所以佢繼續向傳媒力數對方不是，一時間，Audrey同公司嘅恩怨，日日都有傳媒報道，而大家就好似追睇連續劇咁，睇得津津樂道。
自組公司
玩足三個月後，雙方都冇退縮，但Audrey肯定係輸家，事關呢件事搞到其他公司都唔敢搵阿妹拍戲，令佢收入大減。本來Audrey都有諗過收聲，但呢個時候，有同行姊妹發起組織，聲言會集資義助Audrey渡過難關，Audrey就話：「我好感激呢班姊妹，為咗我出錢出力，真係唔知點報答佢哋。」
不過，有前輩就勸Audrey唔好搞咁多嘢，喺呢行撈都係處事圓滑有着數，對此，Audrey就話：「我行得呢步，就冇諗過返轉頭，若然我依家先嚟放棄，啲姊妹亦會睇我唔起，連我都接受唔到自己囉！」
Audrey又話經過呢件事，激發佢成立個人四仔工作室嘅構思，為自己開戲之餘，更會簽一啲新進脫星，阿妹仲好有信心會成功，將來必定賺大錢咁話。
Audrey Bitoni Profile
年齡：23歲
三圍：36G-24-36
身高：5呎4吋