尋日我皮哥同大家講，話佐敦、油麻地一帶出現唔少年輕貌美嘅北妹，於是通知老友炳哥，叫佢齊齊落去試菜，好彩我話食埋晚飯至出發，皆因一落到去，竟然見到警花放蛇。
首先大家都好關心，啲警花究竟靚唔靚女，當然係見仁見智啦！至於點解有咁多嫖客上當呢？原因係佢哋扮到好有鄰家女孩Feel，所以容易呃倒啲阿伯，好似當日我就見到有個阿伯兜搭放蛇師姐。
至於師姐會喺街上蕩吓蕩吓，有嫖客上前問價，師姐會反問對方：「你話呢？」如果嫖客唔醒目自己報個價錢，呢個時候埋伏喺附近嘅警察，就會走出嚟拘捕嫖客，控以「唆使他人作不道德行為」罪。所以大家真係要小心，咁樣中伏犧牲，認真唔抵呀！
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk