香港嘅電視台好鍾意搞遊戲節目，差唔多每晚都見到呢啲電視節目出現。不過講到新意就欠缺咗啲，事關佢哋例必請嚟一班歌手同明星上去玩。第一次睇嘅時候，可能仲會有新鮮感，但日子耐咗，就會覺得不外如是。如果可以搵嚟美國呢班剝衫女主持嚟主持節目嘅話，單係睇佢哋剝衫，已經夠晒Funny！
呢班女主持其實係美國某個成人頻道嘅遊戲節目主持人，以前喺呢個遊戲節目度，主持人只需要穿上性感比堅尼就得。後來為咗能夠刺激日漸疲弱嘅收視，早前班靚女主持決定放下身段，喺節目內表演剝衫。估唔到佢哋呢招一出，不但令收視起死回生，而靚女主持們更一炮而紅！
雖然佢哋剝衫夠吸引，但唔係任何時候都會剝。據佢哋解釋，咁係同節目嘅節奏有關。主持人之一嘅Michelle表示：「剝衫嘅作用除咗刺激觀眾嘅眼球外，亦希望能夠作為勝出玩家嘅獎勵，只要佢贏咗一局，我哋就會除一件衫，咁樣節目便會變得更加刺激，觀眾自然睇得過癮啦！」
注意事項：
呢個成人節目亦設有現場觀眾，有興趣嘅話，可以到場參觀。不過唔好以為現場睇有着數，事關女主持只係表演性質，絕對唔會同觀眾有任何身體接觸，大家千祈唔好諗多咗喎！