以前睇粵語長片，經常出現一啲唔講道理又野蠻嘅包租婆，見到人哋冇錢開飯，仲要逼人哋交租，否則將佢所有家產都掉晒出街，如此討厭，真係想搵機會教訓吓佢！今次條片嘅女主角妍女，就諗到一條絕世好橋，對包租婆嚟個大整蠱。
1.妍女一早起身，諗住舒舒服服歎番個早餐。點知正當佢開懷大嚼之際，包租婆突然出現，搞到妍女乜嘢心機都冇晒。
2.原來包租婆一見到妍女，就係咁追問佢幾時交租，仲話如果今日冇錢畀嘅話，就要趕佢走。呢個時候，妍女突然計上心頭！
3.只見妍女將包租婆盒粟米片換走，然後拎咗枱底下面包貓沙上嚟，唔通妍女想請包租婆食貓沙早餐？
4.不虞有詐嘅包租婆，雖然見到妍女笑得蠱惑，但仍然將貓沙倒落個碗度。妍女今次仲唔奸計得逞？
5.包租婆見到妍女神色有異，於是怒睥佢一眼，而妍女見狀即刻耷低個頭唔出聲。睇包租婆嘅表情，好似有啲懷疑喎。
6.點知包租婆睥咗妍女一眼後，竟然大啖大啖將貓沙放入口度咀嚼！唔係吓嘛，貓沙都食唔出，咁蠢都有嘅！