有老友報料話畀我皮哥知，最近佐敦、油麻地一帶多咗好多年輕貌美嘅北妹出現，我一聽仲以為老友吹水，皆因嗰一帶唔係年紀較成熟嘅北嫂就係南亞裔囡囡多，好幾年都冇見過北妹，點知老友誓神劈願話係堅料，仲話試過兩百蚊唔使就同個北妹去Happy，不知幾爽。
畀佢講到心郁郁，於是前晚我貢落去睇吓，由佐敦巡至上海街同新填地街時，真係畀我搵到兩個年輕貌美嘅北妹，佢哋見到我就主動走埋嚟，問我去唔去玩，我未嚟得切反應，其中一個北妹就開口話二百五十蚊一劑，四百蚊起雙飛，仲話包我舒服添。
我問佢哋點解要嚟香港做街女，佢哋話之前唔係做呢行，只不過聽啲姊妹講咁樣可以搵到食，於是就跟啲姊妹落嚟做，仲話以個人遊身份落嚟做七日搵得唔多，買吓嘢、食吓嘢已經使晒啲錢。雖然佢哋講到咁慘，但最後我都冇幫襯，收完料就走人。
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk