經常喺大型國際比賽度，見到有人喺中場休息時，突然衝出草坪裸跑。佢哋一落場便全裸狂奔滿場飛，雖然極富娛樂性，但觀其動機，卻係丈八金剛摸不着頭腦。如果想知呢啲人裸跑嘅真相的話，不妨睇吓下面嘅片段，或者可以畀到線索大家。
1.畫面一開始，就見到全身赤裸嘅文仔，畀一眾保安㩒咗喺草地上。因為頭先文仔無啦啦走落場裸跑。
2.於是翻睇錄影搵線索，影像一路向後倒退，發覺原來文仔走得極快，唔怪之得能夠衝過由五十個警察所組成嘅保護網啦。
3.原來文仔未跑到草地之前，喺職員通道上，已經半裸，露出其瘦削嘅身材。究竟佢從幾時開始剝衫呢？
4.呢個時候至發覺，文仔早喺入場前，已經不斷除衫。文仔咁早除定衫，莫非佢想節省時間，讓佢爭取更多時間裸跑？
5.畫面一轉，先發現文仔喺未入球場前，其實喺一間餐廳食緊飯，佢喺毫無先兆嘅情況下突然除衫。
6.當畫面回到最初嘅一刻，終於明白文仔剝衫嘅原因！原來佢加得太多辣椒汁落個薄餅度，結果咪辣到要剝衫囉！