有朋友喺鼻頭下嘅人中位置生咗一粒痣，佢問我好定唔好？其實所有生喺人中嘅痣都係唔好，無論男女都係對運程有所影響，特別係女性。因為據古相書講，人中係比喻女士嘅性器官，如果生咗粒痣喺度，就意味經常會患上婦科性疾病。
女士如果喺嘴唇對上嘅人中位置生咗粒痣嘅話，照古相書講原來係淫亂之相，婚前已經亂搞男女關係，到咗婚後亦經常紅杏出牆，不守婦道，絕對係天生嘅大淫婦。其實近年有唔少專家話，女士對性不斷渴求，可能係有病，同個性完全無關。
另外，人中有痣嘅女士，由於經常有婦科病，所以日積月累導致生育能力都會出現問題，很難有小孩，古時話係離婚相，應該都係因為冇得生嘅原因，就算領養或以高科技勉強生個仔出嚟，最終佢都會變成不肖子，母子不和。