本文重點
脫星榮休前嘅告別作，通常都會大賣，令當事人臨尾可以撈多筆。然而，Ann Marie為咗谷銷量，經常向外界宣布引退，初頭四仔迷都會畀佢呃倒，但係之後繼續用呢招嘅話，就睬佢都傻啦！
脫星一旦宣布引退，四仔迷都會好重視，因為佢哋跟隨脫星多年，其作品陪伴佢哋過好多個夜晚，解決過無限次需要，如果脫星宣布引退，唔再剝衫，佢哋傷心到抬唔起頭都唔出奇。而Ann Marie就睇中呢一點，經常以引退做賣點嚟谷銷量。
兩度出招
幾年前，正值當紮嘅Ann Marie，每次出席公開活動時，必定吸引大批影迷到場支持，而所推出嘅個人作品亦賣個滿堂紅，令佢豬籠入水，荷包脹卜卜。
可惜花冇百日紅，之後阿妹人氣跌，作品銷量大不如前，於是佢就諗計，喺一次嘅新作發布會上，扮晒嘢向傳媒宣布引退，話嗰部四仔係佢嘅告別作，結果畀佢成功谷起人氣同銷量，更引起影迷嘅關注，更有影迷傷心到跑去阿妹嘅別墅以絕食作威逼，要求阿妹繼續留喺脫星界。亦有影迷要求經理人公司加Ann Marie嘅片酬，利誘阿妹留低，結果公司真係大幅加阿妹嘅片酬，阿妹就梗係笑到見牙唔見眼啦！
冇幾耐，Ann Marie又再出招，不過，呢次佢唔再借助傳媒，而係喺佢個Blog度寫，話佢已經感到好疲累，需要休息一下，並且好想嘗試戀愛滋味。向影迷暗示佢會離開四仔界，而同時間，阿妹有新作品推出，結果即刻賣斷市，更出現炒賣情況，又畀阿妹成功谷銷量。
打入冷宮
之後，有成人雜誌向Ann Marie求證引退一事，阿妹就答得非常玄妙：「人生有不同階段，應該做不同事情。我對高潮感覺愈嚟愈麻木，好應該休息一下，話唔定聽日大家就見唔到我喺四仔界出現。」
Ann Marie一而再暗示引退，佢諗住經理人公司會極力挽留佢，點知呢次佢計錯數，經理人公司不但唔理佢，更向傳媒大力推薦另一位新進脫星，擺明係打阿妹入冷宮，呢鑊Ann Marie真係玩大咗。查實成件事係阿妹自己攞嚟衰，最後連影迷都唔撐佢，呢鋪阿妹想唔提早引退都幾難呀！
Ann Marie's Profile
年齡：23歲
三圍：34C-24-33
身高：5呎6吋