「生意淡薄，不如賭博！」豬流感全球爆發，不少嫖客未敢北上犯險，令囡囡收入大減。有髮廊妹為咗增加收入，於是跟客人賭波以小博大，更以肉體作賭注，結果最終慘敗收場。
以賭度日
「一場歐聯賽事，令我要免費陪客人玩足五日呀！」髮廊妹小麗話。由於生意淡薄，不少髮廊妹由朝到晚都得個坐字，為咗搵錢，有囡囡決定將積蓄攞去賭博，不論地下六合彩、外圍馬、足球彩票，甚至地下賭波，總之有得賭就有囡囡出現，奈何十賭九輸，以賭度日根本無可能生活，不少囡囡更走上不歸路，變成病態賭徒。而小麗就話自己比其他姊妹醒目，事關佢絕不會搵當地外圍落注，因為一旦冇錢賠，隨時連命都冇，佢話：「見過唔少姊妹因為輸外圍冇錢賠，結果被惡漢打到口腫臉腫，事後更要免費做髮花還債，連本帶息，起碼要做五年呀！」
連輸五場
而小麗所謂嘅「莊家」，原來係一眾中港台嫖客，每當有嫖客選擇同佢出街，佢就會主動同客人大講波經，佢話：「邊個男人唔賭波㗎！一講波，佢哋就上身，當正自己係專家，而我就會扮天真無知嘅妹豬，等佢同我對賭，通常嫖客都會接受，而賠率就按當日博彩網站開出賠率計。」
小麗又話，同嫖客對賭，輸咗嘅話，就喺肉金上扣，相反佢贏咗，就問嫖客攞錢，而嫖客一般都不會賴帳，事關上限都係一千元以內，小麗話：「客人贏咗當食免費餐囉，輸咗都只不過係畀高鐘價啫！」
不過，小麗自言輸多贏少，皆因佢對足球唔太熟悉，邊隊多人捧就支持邊隊。就對上一次，小麗同嫖客過夜，當晚舉行歐聯賽事，小麗先輸一場，佢唔服氣，更以身體作賭注，跟嫖客打賭，若然再輸就免費陪多晚，最後阿妹連輸五場。小麗話：「就係咁，我免費陪客人玩足五日囉！」