日本近排最人氣嘅水着女星，一定非十九歲嘅松岡奈波莫屬，事關佢年紀小小，就擁有36G嘅極品巨乳，加上天真無邪嘅樣子，一出道就迷倒唔少Fans。舊年十月，松岡憑真人騷節目脫穎而出，馬上畀經理人公司睇中，簽約進軍娛樂圈。
松岡之所以咁受Fans歡迎，除咗佢人靚身材好之外，佢講嘢仲十分大膽同出位，喺節目中十分矚目；特別係佢經常喺鏡頭前抱怨，話佢嘅Size好難買到合尺碼嘅內衣，加上佢有事冇事，都會跳跳吓做反應，可愛之極，所以一直都受到觀眾歡迎。
松岡簽約後，經理人公司馬上安排一連串工作畀佢，而佢嘅表現都算不俗，令人氣持續高企。臨到夏天，公司馬上推出佢嘅首張寫真DVD《我們來愛吧！》，將佢嘅驕人身材表露無遺，除咗主打乾、濕身比堅尼外，就咁圍住條毛巾嘅相亦有好多，以新人嚟講，都算幾大膽，希望佢下次嘅底線可以再Set低啲就好喇！
《我們來愛吧！松岡奈波》
售價：¥3,800
（約HK$300）