解釋：打開日本風俗店網站，佢哋會將每日預計會返工囡囡，清楚列於出席表，早班夜班，分門別類，包保客人唔會搞錯。如果大家再細心留意一下，喺個別囡囡名字旁，可能會特別標上兩個漢字─「遲番」。
「遲番」意思，同中文「遲返」，勉強可以話係一樣，但日本「番」，唔係動詞返工咁解，而係店舖意思，「遲番」日文意思就係遲啲到店咁解，例如囡囡有私事要處理，今日要遲啲返風俗店，咁佢出席表就會打上呢兩個字以資識別。
而一般囡囡會「遲番」幾耐呢？其實冇一定標準，但你可以睇囡囡屬於早班定係夜班嚟估計，佢哋每班都有規定時間，例如夜班係七至三，囡囡就要七點鐘返到公司，但打咗「遲番」，就表示佢唔會準時返工。