真係賤格！近日我雞蟲熹收到風，話本地夜場有嫖客自備迷藥迷暈囡囡，不過呢條友仔唔係為色亦唔係為財，純粹為偷拍裸照。有囡囡同我講，話佢有日遇到個中年客，對方斯斯文文，期間大家有講有笑，飲咗幾杯之後，佢就感到好頭暈，於是入廁所洗個面，點知再飲多杯之後，佢直頭暈咗。當佢醒番嘅時候，媽咪就話個客人投訴佢，話佢酒力曳，飲幾杯就冧，只會畀一半坐枱費。由於當時媽咪叫極佢都唔醒，所以無得當面對質，惟有應承。跟住，佢檢查過手袋，見財物冇損失，淨係發現個Bra移咗位，所以就算數。
但當佢同姊妹茶敍時，發現大家都有類似的遭遇，其中有姊妹話發現自己嘅裸照被人放上網，背景係夜場嘅房間，相信係有變態客人落迷藥，然後偷拍裸照放上網。囡囡慨嘆，成晚坐咁多客，枱枱都要飲，根本無得防範。唉！我惟有叫佢小心啲啦！
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk