自從李三腳以凌厲嘅功夫打出國際後，中國武術嘅魅力，迷倒咗全球男女，更刮起一股武術熱潮，唔少國家及地方，都湧現傳授各種武術、搏擊及格鬥技嘅教室。不過講到最特別嘅，相信非位於美國嘅裸體武術教室莫屬！
呢間位於美國嘅裸體武術教室，特別之處在於學員個個都要赤膊上陣，裸露上半身習武。聽到呢度，各位男士係唔係有衝動，想跟一眾半裸美女較技一番呢？不過大家諗都唔使諗，因為呢間裸體武術教室只招收女學員，任何男士都被摒諸於門外。呢種做法嘅目的，除咗係想保障想學武嘅女士，可以安心習武外，亦可避免受到男士們嘅滋擾。
據教室介紹，半裸嘅目的，係希望能提升學員嘅自信，並喺冇任何束縛嘅情況下鍛煉身體。雖然教室嘅規條比較特別，但內裏所教授嘅武術卻一應俱全，從防狼術到搏擊都一應俱全，而教室內嘅武術教練，每個更係身懷絕技。當然，所有教練都係清一色嘅女性。想偷睇？小心畀人打到變豬頭呀！
收 費：200美元（四堂）
注意事項：女士們想到呢間另類武術教室學武，並非有錢就得。事關呢間武術教室，以一對一方式授課，加上教練並非全職關係，故此要預早三個月報名，等教室安排至得。