09/03/2007
文： Dara


桔仔的故事：少年桔仔雖然皮光肉滑，飽滿圓潤，但就像一個青澀少年，未熟透，入口酸溜溜。然後桔仔經過鹽海洗禮，隨時日成了陳年老桔，雖然多了風霜皺紋，膚色亦變深，但卻渾身散發成熟魅力，安撫你的喉嚨，紓緩你的聲沙，愈老愈得人喜愛。

桔，諧音「吉」，寓意大吉大利，富貴吉祥。一過了正月十五，桔仔完成使命，功成身退，光榮地移到玻璃瓶內與鹽海頤養天年，循環再用醃成鹹桔仔，紓緩喉嚨痛聲沙。醃桔看似簡單，其實大有學問，從家中那棵果實纍纍的四季桔樹摘下金黃圓潤的桔仔，加鹽長時間醃製，醃得好，一打開樽蓋便飄出陳年桔香，沖水喝一點也不覺鹹。據中醫所講，鹹桔存放愈久效用愈好，即使變得又扁又黑也沒問題。

鹹桔用途廣
四季桔味甘、酸，性微溫，可化痰、消滯、止咳，當中的檸檬酸能抑制細菌生長，加上鹽醃之後，鹽分有消腫作用，喉嚨唔妥、聲音沙啞，沖番杯鹹桔水飲，即時有所改善！不過，有一點大家需注意，鹹桔仔與其他醃製涼果一樣，屬高鹽食物，不宜吃過量，否則會引起高血壓、水腫等問題。

全年開花結果
不少人以為桔仔於春天當造，其實四季桔屬觀賞植物，全年都會開花結果，是以名為「四季桔」。成熟後的桔樹最高可達數米，只是中國人愛討意頭，只會於新年期間購買桔仔。家居醃製鹹桔很方便，注意青綠的四季桔因尚未成熟，最好揀果皮鮮橙色、按上手實淨而有彈性的桔仔去醃浸。而表面呈皺紋過熟的四季桔，果肉腍身，浸製過程中容易變壞，亦不宜採用。