（左起）Ontv 勁抽妹、nowTV KiKi、nowTV 嘉殷
【勁抽妹英倫直擊】一講起英國，大家第一件事都會諗起倫敦，倫敦市內有好多景點，每個都有自己嘅特色，London Eye、碎片大廈、花街，仲有電話亭同郵筒等等，每一條路都係充滿英國氣息。
KiKi
勁抽妹（中）
嘉殷
坐London Eye勁好Feel！
London Eye曾經係全世界最大嘅摩天輪，今次同一大班同事上到咁高嘅地方，一邊傾計一邊影相，感覺真係好正！上到最頂望落去，飽覽全倫敦嘅靚景，真係好好feel，同香港嘅摩天輪比，London Eye真係靚太多喇。
車路士球場好貼心喎
去得倫敦，阿仙奴同車路士球場一定要去！除咗tour之外，我哋仲親身入去睇咗兩場英超，兩個球場最大嘅分別，就係車仔球場貼心好多，冬天睇波開暖爐，睇波都冇咁凍啦！
望住河景嗒番杯 正呀！
英國最靚嘅景，肯定係泰晤士河同Tower bridge，喺泰晤士河畔飲番杯咖啡，真係人生一大享受。勁抽妹今次好好彩，入住嗰間酒店可以將呢啲美景一覽無遺。可以喺露台一邊飲酒一邊睇靚景，堅爽！
有得扮哈利波特 過癮！
身為Harry Potter死忠，成個旅程最興奮梗係去Harry Potter Studio喇！入到去見到所有拍攝場地，都覺得好熟悉，仲有得玩飛天掃帚，呢個機會真係好難得，有機會一定要再嚟！
旅遊小tips：搭地鐵暢遊倫敦
要輕鬆遊倫敦真係話都冇咁易，只要熟悉地鐵路線就暢通無阻喇！無論係Harrods、球場、各大倫敦景點都喺地鐵站沿線！不過唯一要注意嘅，就係每逢周末地鐵都會改道，記住呢點，倫敦自由行就Easy job！
