大老山隧道又申請加價，建議平均加幅11.9%，李衞得知事件，立即搵運房局局長炳炳商討一番。
李衞：大老山隧道前年咪加咗價，依家又加價呀？
炳炳：就算落實加價，都要十二月先生效，仲有一段時間嘅。
李衞：講嚟講去咪又係加價，有乜分別！
炳炳：遲啲加同早啲加嘅分別！
李衞：市民人工冇得加，其他嘢就不斷加，做官都唔體恤民情嘅！
炳炳：我有做嘢o架，要求調低加幅，已經加少咗啦！
李衞：唉，真係戥市民荷包肉痛啦……
炳炳：既然加幾多都係肉痛，咁唔爭在嗰少少啦！
李衞：&@#%^&^!!@!!!
李衞
第一手消息請下載on.cc東網
