「各位朋友，今日《慌太美食廣場》教大家用微波爐煮餸。」
慌太面帶微笑，「好多人話用微波爐煮餸好難，但其實唔難。」慌太從枱下取出食材，「霉菜一斤、鼠肉半磅……其實材料係咩都唔重要，最緊要係產自強國。」
白光一閃，慌太恍如庖丁再世，游刃有餘，食材轉瞬化為絲條，「好多觀眾朋友成日問我，用微波爐煮餸最緊要係咩？我答梗係個爐啦，因為無爐又點煮呢？」慌太徐徐指向微波爐標籤，「同樣，最緊要認住係強國製造，咁就有保證！」只見慌太一手將食材放入爐內，「呢味餸其實好適合都市人，因為唔使三十秒就可以完成，不過事後清潔可能有少少麻煩……」
「叮！」隨即爆炸，黑煙四散。
慌太笑容依舊，「大家睇，話咁快呢味『重金屬塑化劑黑炭』就完成喇！如果大家煮完仲在生，就請繼續收睇慌太喇。」
第一手消息請下載on.cc東網紅字為笑點
