何潔泓喺Instagram貼上同岑敖暉的神秘合照，結果又惹罵戰。（互聯網圖片）
喺學聯副秘書長Lester岑敖暉同學聯前副秘書長何潔泓嘅戀情早前曝光後，令岑敖暉嘅女「粉絲」喺社交網站facebook（fb）嗌交。其後岑敖暉出席公開活動時，被追問係咪同何潔泓拍拖，佢以甜笑作回應，即默認拍拖。
事隔個多月，何潔泓終於喺尋日凌晨時分於社交媒體Instagram貼上二人神秘合照，結果又惹女粉絲爆罵戰，有人仲鬧何「好cheap」。
事緣何潔泓喺Instagram貼上二人對望嘅合照，又寫上「兩個小器鬼，倒模性格，仲唔火星撞地球，好想同你瘋狂辯論」。佢喺社交媒體上放「閃光彈」，固然贏得唔少祝福同「like」，但同時惹嚟岑敖暉嘅女粉絲不滿，佢哋甚至相繼喺fb專頁「捍衞lester alex佔領巫山HeHe團」上發貼表達不滿，亦含有指摘女方嘅成分。有位潘婷話：「依家你Po張咁嘅相，仲要打句咁嘅嘢，我唔係葡萄，唔係妒忌，而係覺得你好cheap，呢頭話要低調，嗰頭又夜媽媽Po張咁嘅相！」另一位Kiki Koko就批評有人「愈鬧愈高調，不就正正話畀你聽佢其實enjoy緊？」
第一手消息請下載on.cc東網
