太和廣場有玻璃門因故障被封逾半月，被指對市民出入造成不便。
「呢兩道門年中都唔知整過幾多次，唔知點解成日都會壞，次次都要一排先整好，搞到好唔方便！」居於太和邨的王小姐早前行經太和廣場時，發現有玻璃門因損壞而圍封，僅餘一半出口供市民使用，「好多人返屋企都要經呢度，封咗一邊門真係好唔方便！」
領匯發言人證實，一月中旬已發現有關玻璃門手柄損壞，隨即安排維修工程，惟訂購及運送配件需時，有關工程已於早前完成。發言人對玻璃門被指經常故障一事並無回應。
王小姐指除上述玻璃門，廣場其他玻璃門亦時有損壞，認為領匯應徹底檢查所有玻璃門，了解源於玻璃門質素抑或有人使用不當，「整個手柄都要搞半個月，仲要次次過一排又壞過，希望佢哋諗吓問題到底出咗喺邊度。」
第一手消息請下載on.cc東網
