馮英倫遊羅馬不幸遇上小偷。（被訪者提供）
歐遊要小心，發展局局長政治助理馮英倫（Allen）早前趁聖誕假期，同女友Carrie把臂遊意大利，喺羅馬地鐵站內遇上小偷前後夾攻，眼光光見佢哋用三秒鐘就搶走部相機，真係驚險。
講起失竊經歷，Allen仍猶有餘悸。話說佢同女友抵達行程第一站羅馬，佢哋跳上地鐵四圍觀光，有友善嘅當地人早已提醒兩人要打醒十二分精神，睇實財物。誰知話口未完，兩名男子迎面而來，Allen馬上提高警覺，將旅行袋緊緊抱喺心口前，再用外衣將袋遮住，怎知小偷睇中佢掛喺腰間嘅相機。兩名小偷趁地鐵埋站車門打開一刻前後夾攻，故意阻擋Allen及女友落車。
其中一名小偷更加使出「閃電手」偷走部相機，當Allen發現欲搶回相機時，兩人已經拔足而逃。雖然黑仔到爆，不過Allen為免影響行程，未有報警。
第一手消息請下載on.cc東網
