政府近年大力宣傳減少廚餘概念，叫大家唔好做「大嘥鬼」，唔好食剩嘢，而環境局局長「星星」黃錦星就化身做推銷員，同「大嘥鬼」拍住周圍去宣傳喇！

黃錦星與唐偉章（右一及二）一齊下廚，炮製佳餚。（受訪者提供）

星星尋日趁出席賽馬會社會創新設計院年度活動「社會創新節」時，繼續身體力行做推銷員，聯同理工大學校長唐偉章、馬會慈善及社區事務執行總監張亮等人，加上二十八位星級名廚同二十八個基層家庭，落手落腳一齊下廚，用剩餘食材炮製美味佳餚，展示點樣可以創意解決浪費食材問題，事後仲齊齊品嘗試食添！

味道如何？一句到尾─好。

第一手消息請下載on.cc東網iPhone/iPad/Android/Windows Phone Apps