政壇：工聯小花大肚要換新朵

工聯會小花劉桂容喺之前嘅元朗區議會選舉擊敗工黨李卓人，尋日佢喺天水圍天恩邨搞辦事處開幕禮，當日嘅小花原來已經懷孕六個月。阿容話，自從有咗BB之後，佢嘅工作都冇停過，呢個辦事處喺去年十二月先至搵到，但之後隔咗個農曆新年，又要搞新辦事處裝修，依家總算可專心等BB出世。

未嫁前佢就可以叫「工聯小花」，依家應該叫乜好呢？尋日有份主禮嘅工聯會會長林淑儀都提過吓阿容由小花變阿媽嘅問題，睇嚟工聯會真係要幫阿容諗番個新朵至得！