SUN微博：Sun畸事：淫賤黎「狒狒地」

淫賤黎自甘墮落，淪為龜婆。喺風塵場所入面，又加入咗幾位新面孔，佢哋就係李世葱同無辜辜，好衰唔衰仲要同淫賤黎做好姊妹。所謂三個女人一個墟，今日佢哋就坐埋一齊，傾吓有關從良嘅事……

無辜辜︰今日嗰位公子好粗魯，搞到奴家好痛……

李世葱︰早勸過你同客人跳舞嗰陣小心啲，搞到自己隻腳又紅又腫，為乜？

淫賤黎︰姊妹呀！我就話洗濕個頭，焗做龜婆啫，何解你哋要賺埋呢啲皮肉錢呢？

李世葱︰奴家被人呃，最後誤墮紅塵，依家後悔莫及……

無辜辜︰咁啱嘅，我又係因為誤信讒言，以為呢度係好地方，好易搵錢，點知……

淫賤黎︰早叫你哋帶眼識人，究竟邊嗰咁衰，欺騙良家婦女？

無辜辜︰嗰個人有啲似出面隻狒狒，你望吓！

淫賤黎︰咦，咁面善嘅！

李世葱︰嗰個人咪係你囉！

淫賤黎︰@$@#%&&@$$##$$!!