政壇：政商定格：李小鵬爭啲代李寧拉頭馬
「體操王子」李小鵬開公司做「金牌經理人」，為跳水隊同體操隊成員謀出路，搵廣告代言。小鵬對賽馬都好有興趣，尋日就代師兄李寧入馬場，為「桂花飄香」打氣，更落注撐到底。
喺賽事開跑前，小鵬一早同友人企喺賞馬圈，聚精會神觀賞戰駒狀態。開跑一刻，見慣大場面嘅佢好肉緊咁為「桂花飄香」吶喊助威。誰知終點前，領頭位置不保，只得第二。雖然獎金有十一萬八千幾蚊，但捧慣金牌嘅小鵬，難掩落寞神情。不過轉個頭，佢又發揮打不死精神，話：「其實跑第二已經唔錯了！」玩得咁high，佢興致勃勃咁話渴望盡快做馬主喎！
李小鵬（中）代師兄李寧入場為「桂花飄香」打氣，可惜無緣拉頭馬。