政壇：政商定格：余鵬春喜客家菜難忍口
雖然客家炆豬肉、梅菜扣肉唔符合健康飲食潮流，但廣東客屬社團聯合總會副主席余鵬春日前出席「客家文化節」活動時，自爆次次返到鄉下，就抵受唔住美食誘惑，結果一年內肥咗十一磅！
同場嘅總會主席梁亮勝話，為咗將客家文化嘅趣味同深度介紹畀市民，佢哋決定大搞「客家文化節」，下月中旬探討客家文化嘅論壇，仲有「尋找香港客家村」通識一日遊，帶市民深入走訪大埔客家村落同祠堂，同埋品嘗客家圍村盆菜。
最精彩莫過於「全城同享客家菜」活動，鼓勵市民「起筷前，先拍照」，凡幫襯參與食肆推介嘅客家菜，影相後分享到社交網站，即有機會獲得巨獎。活動當日，彩福樓分區廚部總廚梁偉光專登到會供應炆豬肉、梅菜扣肉等經典菜式，難怪身兼活動籌委會主席嘅余鵬春，一見到美食就愛恨交織。
余鵬春（左一）對客家美食又愛又恨。右起為梁亮勝太太古爾夫、總會副秘書長陳勇前、梁偉光同梁亮勝。