政壇：卿姐未脫財會主席霸氣
喺今屆立法會會期輸畀富貴黨張宇人、失落財務委員會主席寶座嘅白鴿黨劉慧卿，似乎對財委會主席呢個位仲念念不忘。十個泛民議員尋日齊齊開記者會講全民退休保障，但卿姐左一句「張超雄議員你係咪有嘢補充」，右一句「莫乃光議員到你嘞」，好似當緊自己主持會議咁。唔知佢技癢好想主持財委會吖，定係緬懷做主席嘅風光日子呢？
最搞笑嘅係，卿姐鍾意做主席，其他泛民議員又好配合佢喎，好似新民主同盟范國威同工黨張國柱等，每次想發言都要向卿姐打眼色，等到「主席」首肯至發言，似乎大家都好有共識畀卿姐主持會議。