【本報訊】渡海泳吸引不少年輕人結伴同游，昨日亦有一名年過七十、「浸過長江水」的白鬚翁落力參與。七十八歲的戴宗榮是今屆賽事中最年長泳手，二十多歲時曾經參與武漢市游泳比賽，勇闖水流急湍的長江，當時正值壯年的他輕鬆完成一點五公里賽事。
戴伯伯數十年來未有放棄游泳夢，七二年來港後每日到淺水灣「練水」三小時，年中無休，「依家梗係冇咁好力啦，上年連參加渡海泳嘅資格都攞唔到。今年名額多咗終於入到圍，同埋行山啲朋友一齊游過維港真係好開心。我會游到八十歲！」
戴宗榮（右）昨完成維港渡海泳後與太太合照留念。
