政壇：翁狄森首飾融會武俠元素
中國珠寶雖有千年歷史，但著名珠寶設計師翁狄森（Dickson，圖）卻認為，近代中國珠寶設計被西方一體化影響，希望可以重建中國首飾品牌，延續已沒落嘅中國首飾史。
Dickson早前幾經辛苦，喺北京搵到一本關於中國首飾史嘅書籍，打開一睇先發現呢段歷史只係寫到一九一一年，跟住整整一百年空白。佢話，中國首飾沒落嘅另一原因係現今中國冇帝制，所以毋須要一套皇室御用嘅首飾。為咗延續中國首飾史，Dickson依家喺四川美術學院致力培育珠寶設計人才。翁旗下品牌會喺明年中推出融會武俠元素嘅首飾添！
