政壇：項明生撒哈拉朝拜三毛
足迹遍布世界嘅Sony Computer Entertainment香港分公司董事項明生（James）更兼任旅遊作者，上月先至預告年底將去撒哈拉沙漠尋幽探秘，轉個頭因頂唔順香港悶焗燥熱嘅天氣，提早執行李展開旅程。James預咗今次唔係去歎世界，所以帶咗半箱咁多嘅杯麵同糧食一齊上路。不過，佢沿途見到自細嚮往嘅沙漠景色，幾辛苦都甘之如飴喇！
上周三臨出發前，James坦言心情忐忑不安，事關快將睇到夢中嘅沙漠風貌。佢自細已係著名作家三毛嘅小粉絲，三毛作品中最膾炙人口嘅《撒哈拉的故事》，對佢影響十分深遠。
項明生（左）喺摩洛哥巧遇騎驢嘅牧童，兩人笑容一樣咁純真。(受訪者提供)