李鄭屋邨鄰居九年兩睹慘劇
【本報訊】「初時我都唔知佢掟咗乜嘢落去，之後先知嗰舊係BB嚟咋！」李鄭屋邨失常婦人掟女落街一刻，一名男住客走出視察，直擊驚心動魄一幕，他講述經過猶有餘悸，並透露九年前亦曾目擊同邨三歲半女童墮樓爆頭慘死。
居於十樓的男住客龔先生稱，昨晨聽聞嘈吵聲，遂走出走廊向下望，赫見黃婦將用毛巾包裹的物體掟落街，惟見原本欲搭升降機落樓的吳突折返，激動質問妻子，「你掟咗乜嘢落街呀！」黃婦即時「嘩」一聲狂叫，並欲攀欄跳樓，被丈夫制止。
另外，○三年三月三十一日，李鄭屋邨仁愛樓一名三歲半女童，攀上貼近窗邊的碌架床上格觀看街景，不慎越過窗口從十五樓飛墬落街慘死，龔亦目擊經過，「爆晒頭咁，當時仲恐怖呀！」
