政壇：政商定格：劉美詩新工奪服務名牌獎

    • 康泰旅行社前一姐Susanna劉美詩，過檔「專業旅運」任市場及業務發展總經理已大半年，腳頭認真旺，除分店愈開愈多，其公司仲奪得2011年「香港服務名牌獎」添！

    Susanna尋日同公司行政總裁高鄭杏芬齊出席香港品牌發展局發布會，分享得獎感受。Susanna話依家有五十五間分店，計劃未來三年擴充至一百間。佢笑言依家毋須再面對「大鑊嘢」，輕鬆好多。

    生產本地陀飛輪手錶嘅「萬希泉」獲得「新星品牌」，而婚戀約會服務公司「緣來這麼近」就獲得「新星服務品牌」，總監陳秀琼就盛讚港女條件高，求偶會員中不乏女醫生、女檢控官及精算師等，冇拖拍只係因為無時間，並非係「盛女」喎。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    劉美詩（左）獲新老闆高鄭杏芬賞識，加入「專業旅運」一展所長。

    「萬希泉」總經理沈慧林（左）同陳秀琼，都係品牌界後起之秀。