政壇：美麗家園上市冧巴驚喜
中國人一向好注重意頭，有老友話下星期有隻新股美麗家園會招股，仲話佢好架勢添，因為佢個上市冧巴係1237，國語讀音「1、2、3、7」，「7」同起或喜讀音相近，董事長吳哲彥覺得好好意頭，滿心歡喜！
無論「起」又好、「喜」又好，都係好嘢嚟，「起」象徵住蒸蒸日上，「喜」就唔使講都知係「老利」啦。聽講呢個上市冧巴係由吳總親自抽出㗎，並唔係畀錢買番嚟。咁好手氣，莫非真係喜從天降？吳總仲話覺得係意外驚喜，希望日後公司風生水起咁話。
聽聞美麗家園將會喺下個星期一開始公開發售，如果市場反應好兼可以成功上到市，就將會係香港首間戶外休閒木製品嘅上市公司，咁就真係可喜可賀喇！
