政壇：邱德根孫女一份工見10次

見工有乜秘訣？日前喺青年聯會招聘活動中見到青年聯會副司庫、富豪邱德根孫女Josephine邱詠麒，佢憶述首次見工直頭要過五關斬六將。佢話當年啱啱喺英國留學返港，第一份工係喺德意志銀行做副經理，嗰次足足面試咗十次，見完香港分部又要見外國高層，少啲膽量都唔得。嗰次經驗令佢明白好工難求，所以依家都絕不鬆懈，正打算報讀科技大學MBA課程增值自己。

另外，歐洲國家盃進行得如火如荼，青聯副主席鄭重科話，睇波同工作兩者缺一不可，所以寧願犧牲瞓少啲喎！