政壇：林公公賞藝品折腰而行
林公公自從升呢做咗政務司司長，又忽然做埋西九文化區董事局主席後，不時都會去吓文藝活動沾染藝術氣息。尋日佢就去咗藝術中心，參觀由中心舉辦嘅當代視覺藝術展，內裏有唔少裝置藝術，佢為參觀其中一件藝術品不惜彎晒腰，仲彎住腰行咗兩層樓，足足有幾分鐘。
陪同林公公參觀展覽嘅仲有西九文化區行政總裁連納智。佢哋捐咗入去一個類似冰洞咁嘅裝置藝術裏面，睇嚟險象環生，林公公唔知有冇撞親個頭呢？不過唔使驚，成個「冰洞」係由不織布做成，撼唔親，但要彎腰行幾分鐘，可能會搞到腰酸骨痛。
林公公彎住腰睇藝術品，仲行咗兩層樓。