政壇：區選票王結婚大宴800親朋

    • 北區區議員劉國勳喺區議會選舉榮登票王同順利連任後，等住佢嘅將會係另一項人生大事，明年二月會同女朋友、即同屬新界青年聯會嘅Dikming呂迪明拉埋天窗。呢對政壇金童玉女之前忙於選舉，搞到依家至有時間籌備婚禮。

    佢哋尋日特登去到太子一個專賣結婚用品嘅商場掃貨，Dikming話場地布置裝飾同流程，係由呢位香港演藝學院畢業生負責，佢好有信心搞到個宴會冇悶場，個個嘉賓都開開心心。

    至於劉國勳就負責制訂八十圍酒席同人數超過八百人嘅嘉賓名單，聽落好似冇乜嘢，做落就知唔容易，淨係研究要請乜人已經好花時間，尤其佢哋都從事地區工作，真係請漏邊個都唔好意思，所以寧願花多少少時間都唔好馬虎喎！

    「Money18免費即秒股票報價網站」現推出8升級功能，財經資訊，實時實發！

    劉國勳（左）同呂迪明（右）尋日出動掃貨，籌備婚禮。