港交所主席夏佳理(Ron)喺香港、澳洲、英國同新西蘭都有養馬,旗下名駒仲參加過好多國際知名嘅賽事,阿Ron大部分都會撐場。上月墨爾本盃嘅比賽中,佢嘅愛駒「紅色禮物」以極微嘅差距輸畀「多利得」屈居亞軍,同獎盃擦身而過。
嚟緊禮拜日,當日競賽嘅兩駒又會同場交鋒,阿Ron點睇呢?佢雖然好期待,但都覺得變數好多,一係愛駒要長途飛行到香港,其次係當日會唔會落雨。
夏佳理話愛駒「紅色禮物」(左)同「多利得」好老友,不過上場又係另一回事。