政壇：財富管理大賽恒生擸八獎
恒生銀行派咗五個零售銀行同管理業務嘅同事，參加一個由香港銀行學會舉辦嘅「2011年傑出財富管理師大獎」，掃走八個獎，成為贏得最多主要獎項嘅銀行。咁叻又獎乜？恒生零售銀行及財富管理業務主管陳力生，將會喺總行博愛堂設宴，以佳餚鼓勵得獎同事，一於食餐好嘅。
今次比賽得獎同事除咗可以喺食品出名拍得住六星級酒店嘅博愛堂食餐好嘅之外，恒生私人銀行及信託服務主管陸庭龍，同埋分行網絡及抵押貸款業務主管譚麗琼仲親身恭喜呢班同事添！
陸庭龍（中）及譚麗琼（右三）見到同事咁威水，真係笑到四萬咁口。