政壇：司徒健撕證書誓入演藝

「屋企人唔畀我讀演藝，我撕爛咗張會考證書以示決心！」年僅二十三歲嘅司徒健係香港中樂團最年輕全職樂師。

阿健七歲就開始學二胡，自此夢想考入演藝學院進修音樂。惟年前爸爸因病去世，哥哥毅然輟學，投考警察養家，家人都大力反對佢放棄升讀大學去讀演藝，雙方一度冷戰，但佢撕爛會考證書嘅決心感動咗家人，哥哥亦明白「冇幾多個人可實踐到自己嘅理想」，終於讓阿健圓夢。

阿健話○八年佢考到賽馬會三十萬元獎學金，家人終於睇到佢努力讀書嘅成果，關係正式破冰。