政壇：政商定格：名人踢西瓜波話當年

小童群益會為慶祝成立七十五周年，尋日搞咗個「西瓜波」足球邀請賽，榮譽會長胡經昌、執行委員會主席鍾志平同督導委員會主席勞永樂齊齊踢西瓜波，重拾童年回憶。

勞永樂話以前讀中學嗰陣，學校因為驚學生踢爛嘢，所以禁止學生踢皮波，而且皮波價錢貴，惟有買五毫子一個西瓜波過住癮先。佢話當年幾乎日日踢西瓜波，一到小息，成個球場旋即「西瓜」橫飛。胡經昌嘅小學同學、活動籌委會主席吳彥明，仲踢爆胡經昌讀書時喺走廊用荷蘭水蓋當波踢，結果畀老師罰企。

同場仲有前足球運動員山度士同哥哥Steven組隊參賽，佢話家有五兄弟，個個都鍾意踢波。