政壇：陳健波為囝囝毀齋缽
民生問題千瘡百孔，如今做議員唔懶得。立法會議員陳健波原來有一項堅持，就係去晒立法會大小會議，舊年佢嘅參與率就達到百分之百，但佢預告嚟緊未必能繼續做一個完美嘅議員。
佢尋日拖埋太太入沙田馬場消遣，好風騷咁話明年六月囝囝就大學畢業，佢已訂好機票飛去美國華盛頓大學觀禮。呢次都算犧牲大，因為佢不惜寫花「零缺席」紀錄，請假一個禮拜，但能夠見證阿仔戴四方帽，犧牲都值得。
前教統局局長李國章就有孫萬事足，聖誕將飛去美國，探望細仔同一歲大孫兒，之後再飛倫敦探行醫嘅大仔，咁忙，都係過埋農曆年先返香港嘞。佢話早幾年太太大病一場後，好珍惜兩公婆能悠閒過生活嘅日子。
