政壇：政商定格：梁愛詩「買層樓」拜師
菁英會女將組成嘅「菁英幗聚」，近日請來城中女強人分享成功智慧，基本法委員會副主任梁愛詩前日打頭陣，喺中港政壇都有佳績嘅佢自爆，當年拜師做見習律師時，花咗一層樓嘅價錢先搵到師傅，原來一切係由艱苦同捨得開始嘅。
詩姐話，讀完港大法律課程後，拜師係必經階段，但當時女性地位低微，女徒弟被視為「花瓶」，佢四出敲門都食檸檬，幾經辛苦先搵到師傅，而當年做見習律師唔單止無人工，仲要畀錢師傅，佢就要花一萬元拜師。上世紀六十年代嘅香港生活指數，一萬元已經夠買一層樓嘞，好彩詩姐家底厚啫。詩姐嘅古仔咁動聽，難怪菁英會成員拍爛手掌喇。
菁英會主席洪為民（右二）及副主席楊華勇（右一）專登嚟撐班女將，林玉茵（左二）佢哋梗係好開心。
梁愛詩向年輕女性分享人生經驗，被讚係學習對象。