政壇：政商定格：羅可旋停飛待龍B
龍年將至，中國人對龍特別鍾情，龍年出世嘅嬰兒亦較多，bossini太子女羅可旋前晚出席一個配飾品牌活動時，就透露有意外之喜，龍年將會多個仔或女，依家已經五個月身孕嘅佢仲話，遲啲唔會出埠做嘢囉，一於「停晒飛！」
已有一個六歲大女、一對四歲孖仔嘅羅可旋話，原本計劃收工，有意外之喜後，曾經匿埋幾個月去平復心情，咁老公心情點呀﹖羅可旋鬼馬咁話：「又唔係佢佗、又唔係佢教、又唔係佢生，當然冇乜嘢，生小朋友真係好大壓力，因為教好難！」
已有五個月身孕嘅羅可旋，前晚以輕盈褲裝出席活動。