作為「80後」、二十七歲嘅Winnie楊穎琳，除咗幫屋企打理家族生意外，更加入香港女青年商會接受挑戰，憑住一句「齋講唔做，永冇出路」口號，去年遠赴日本大阪參加國際辯論比賽，仲覓得「美男」歸。來年佢將接任做新一屆會長，成為商會成立以來最年輕嘅揸fit人。
Winnie係家中大女，性格好強，佢話因為長年玩辯論，講嘢慣咗駁嘴駁舌，入商會接觸唔同人後，先知自己喺待人接物上好需要磨練：「有時以為件事咁做會好啲，但原來大家都唔認同，先感覺到溝通好重要。」
楊穎琳（中）與一班女青年商會董事局成員擺出美女陣。
