出身自時裝世家嘅Bonnie郭志怡，由時裝界轉投飲食界後，佢嘅咖啡吧旗艦店尋日喺大坑正式開幕，佢姐姐即係時裝女王Joyce Ma亦有到場為佢打氣，Bonnie話：「今日係我小BB出世，籌備咗大概三個月，間舖名來自法文『c'est la vie』即係『這就是生活』咁解，依家我將『vie』改做『B』，又代表我英文名字頭。」店舖嘅主題係一個餅盒，有蝴蝶、有條紋，令客人走入咖啡吧就好似走入餅盒一樣，佢仲話喺拜神時，咁啱有真蝴蝶飛過來，所以佢深信呢個係好兆頭。
郭志怡（左）開店，家姐Joyce Ma到場打氣。
