政壇：星屑醫生嫻姐選後暴肥
區議會選舉曲終人散，喺前日嘅人民力量集思會上，見到競選落敗嘅「星屑醫生」歐陽英傑明顯大咗一個碼。貪靚嘅醫生話唔覺自己肥咗，但當日就不停有黨友叫佢做多啲運動，變返以前咁靚仔。醫生話選舉期間的確好大壓力，每日都係食好少嘢，而選完後個人可能輕鬆番，即刻磅數急升嘞！
就連做咗區選票后嘅工聯會陳婉嫻都肥咗喎。佢話選舉時見得番好多老朋友，個人開心咗，自然體重有所增加，不過佢點都唔肯講肥咗幾多，但佢相信好快會瘦番，因為區議會下年一月至正式復會，但依家已經跟進緊好多居民個案，有排都冇得休息。
歐陽英傑話選完後冇晒壓力，磅數急升。