政壇：雙英落區齊遭踩場
提早宣布參選嘅「雙英」尋日落區，更慘遭人柴台。唐英年踩足兩場，早上先去天水圍見居民，下午就到融樂會同啲少數族裔傾偈。但天水圍街坊唔領情，直指唐唐為挽民望先落區，只做表面工夫。有街坊呈上有三十萬名居民簽名嘅大支票畀唐唐，要佢簽名承諾容許地區小販市集等五大訴求，可惜唐唐話支票涉及選舉條例，所以唔肯簽。
東方電視
更多新聞短片至於做過城大校董會主席嘅梁振英（CY），尋日返城大出席教協主辦嘅教育論壇。本來返娘家威威，但被城大教職員協會會長謝永齡質詢，問佢點解早前要迫遷協會？論壇亦有人問，如果CY做特首，會搵邊個做教育局局長。CY笑笑口話，佢只係做校董會主席，房間問題唔係佢嘅工作。至於邊個做教育局局長，CY就將個波推番畀與會者。
天水圍居民要唐唐喺支票上簽名作出多項承諾，但唐唐拒絕簽名。
教協會長馮偉華（右）送字畫答謝梁振英。